影片
更多
2013-04-01
110 浏览
******************************是日拉面品评：1. 博多一幸舍2. バリ男。超男BARIO3. 东京忍者******************************今日是开❤试新美食日！之前约左妈妈同佢试嘢食~应承左佢会带佢试下啲湿口嘢同鸡蛋仔~揾呀揾~谂丫谂~不如叫埋爸爸一齐三个人去Ramen Champion 试下唔同拉面店啦！我地都未食过Ramen Champion 的, 三个人去一次过可以试多啲！爸爸话okay~yeah! 出发！我地三人行11点多12点去左恒丰中心地库既Ramen Champion 食场！原来佢开11点半, 我地在佢刚营业无耐抵步, 我地三个人兜左一圈~未有乜客人~店员们~尤其黎自日本既店员同师傅好热情招呼我地~又好耐心咁介绍~气氛一级棒丫！感觉好好~好似真系置身日本既食场咁丫！ 我地其中选左バリ男！因为日本店员真的非常热情！佢边用唔咸唔谈既英文~广东话同少少日文介绍~边手舞足蹈容易面既美味同辛辣情度~实在败给佢既热情丫~ バリ男既人气no.1既叉烧拉面用既系厚叉烧~叉烧偏瘦夹杂少少脂肪,总共有三块~睇落好似烧得好熟好老咁~但其实
是日拉面品评：
1. 博多一幸舍
2. バリ男。超男BARIO
3. 东京忍者
******************************
今日是开❤试新美食日！
之前约左妈妈同佢试嘢食~应承左佢会带佢试下啲湿口嘢同鸡蛋仔~
揾呀揾~谂丫谂~不如叫埋爸爸一齐三个人去Ramen Champion 试下唔同拉面店啦！我地都未食过Ramen Champion 的, 三个人去一次过可以试多啲！
爸爸话okay~yeah! 出发！
我地三人行11点多12点去左恒丰中心地库既Ramen Champion 食场！
原来佢开11点半, 我地在佢刚营业无耐抵步, 我地三个人兜左一圈~未有乜客人~店员们~尤其黎自日本既店员同师傅好热情招呼我地~又好耐心咁介绍~
气氛一级棒丫！
感觉好好~好似真系置身日本既食场咁丫！
我地其中选左バリ男！因为日本店员真的非常热情！佢边用唔咸唔谈既英文~广东话同少少日文介绍~边手舞足蹈容易面既美味同辛辣情度~实在败给佢既热情丫~
バリ男既人气no.1既叉烧拉面用既系厚叉烧~叉烧偏瘦夹杂少少脂肪,总共有三块~睇落好似烧得好熟好老咁~但其实佢一咬下去就会沿纹好易分开~几意外哩！佢既汤系味噌猪骨汤~虽然佢汤底唔系好稠好creamy,但就系三只之中最浓味同咸, 味噌味好出~！妈妈最钟意佢既汤底~
佢只蛋系原只上架~初时以为是卤熟蛋~谁知一开,系有三层口感外层有卤水蛋般的实在感, 中层像半温泉蛋的棉棉滑滑, 内层是溏心蛋黄既出奇蛋丫！一次满足晒三个愿望哩~！爸爸三碗拉面里边最欣赏バリ男既蛋丫！另外碗面仲有芽菜同椰菜哩！健康配搭!
拉面既重点：面底系用近似刀削面既超粗面~挂汤力十足！超有嚼头~论口感我最喜欢佢哟！佢偏少少硬的~但哩只硬度我觉得好配只拉面~刚刚好哟！
三间拉面店各有特色！
一次过试晒三种不同粗幼,不同软硬既面底！又俾我地试到三种厚度~三种唔同肥瘦~件数同形状既叉烧！
同时又试左三款不同浓稠度同味道既汤底~有特浓稠猪骨汤, 黑蒜猪骨汤, 同埋味噌猪骨汤！
三款不同口味既溏心蛋~仲有各有特式既随面配料哩: 幼面有木耳香葱，中面有粟米紫菜芽菜黑蒜，粗面有椰菜芽菜~!
整体评分之バリ男。超男BARIO篇 (只计我个人喜好)
面底：9.5/10 (挂汤力十足有嚼劲, 可以幼番啲啲都得)
叉烧：7/10
汤底：7/10
溏心蛋：9.5/10 (令人意外的三层口感, 中间温泉的部分可以卤得均匀一点仲好！)
其他配料：6/10
平均：7.8/10
服务店员印象分：10/10 (真的被日本店员的热情给打败了)
题外话/补充资料：
在这里每人是凭咭点面的！点完面过后, 面店会俾一部电子机顾客, 当面拎得既时候~手上既机就会闪红色灯同咇咇声提示去取食物~
等面其间, 顾客可以四围睇~四围逛或者随意坐~唔驶客人呆企喺店前等叫号码~亦免得每间拉面店各嗌各号码唔知边间打边间既麻烦~同时适用于任何国际人士~不用担心语言不通既问题, 十分贴心哩！
每间拉面店仅售自己的食品, 无出售饮品的, 饮品像food court般, 要到中央beverage counter购买的~
爸爸未买拉面就已经买左杯大Kirin (HK$50)啦！
(以上食记乃用户个人意见 , 并不代表OpenRice之观点。)
张贴
