影片
更多
2010-03-01
19 浏览
28-2-2010Lunch hour 到尖沙咀揾食, 想去的 Osaka (http://www.openrice.com/restaurant/commentdetail.htm?commentid=79557) 无 lunch menu, 兜兜转转去了另一间又系食「日本嘢」的楼上餐厅, 还掂路过中环店 N 次都未入过去, 又试试吧.星期日的 1:xx pm 嚟到, 除咗一台客都无之外, 食店仲好似「啱啱瞓醒」一样, 台上放了充满水渍的碗碗碟碟 胆粗粗坐低后, waitress 就话是日咖喱, 味噌煮鲭鱼, 三文鱼腩, 三文鱼籽, 海胆, 牛舌通通无供应 (!?!? ), 几乎拣无可拣的情况下, 叫了应该较稳阵的盐烧鲭鱼定食 (跟前菜, 沙律, 白饭及味噌汤). 朋友就竟然唔怕死, 叫了「三色丼」定食, 仲要加 $10 将带子转了葱吞拿茸 前菜系中华沙律... 一直以为中华沙律好难会难食, 始终好多时都系来货, 但呢度的系好干, 好腥, 又好似带点臭味, 食了一条立即将佢推开一边, 好恶心的感觉. 「芦荟沙律」卖相「糊」得很, 胡麻籽 dressing (?) 水浸一样, 食
Lunch hour 到尖沙咀揾食, 想去的 Osaka (http://www.openrice.com/restaurant/commentdetail.htm?commentid=79557) 无 lunch menu, 兜兜转转去了另一间又系食「日本嘢」的楼上餐厅, 还掂路过中环店 N 次都未入过去, 又试试吧.
星期日的 1:xx pm 嚟到, 除咗一台客都无之外, 食店仲好似「啱啱瞓醒」一样, 台上放了充满水渍的碗碗碟碟 胆粗粗坐低后, waitress 就话是日咖喱, 味噌煮鲭鱼, 三文鱼腩, 三文鱼籽, 海胆, 牛舌通通无供应 (!?!? ), 几乎拣无可拣的情况下, 叫了应该较稳阵的盐烧鲭鱼定食 (跟前菜, 沙律, 白饭及味噌汤). 朋友就竟然唔怕死, 叫了「三色丼」定食, 仲要加 $10 将带子转了葱吞拿茸
前菜系中华沙律... 一直以为中华沙律好难会难食, 始终好多时都系来货, 但呢度的系好干, 好腥, 又好似带点臭味, 食了一条立即将佢推开一边, 好恶心的感觉.
「芦荟沙律」卖相「糊」得很, 胡麻籽 dressing (?) 水浸一样, 食了一粒芦荟觉得「出水度」好严重, 都系唔食了.
烧鲭鱼卖相正常, 味道亦(可幸)正正常常, 不过唔觉「盐」烧㖞, 无咸味的? 鱼肉亦几干几实, 不过起码叫入得口吧, 算啦.
白饭就几难食, 无米香都算, 咬落干干削削的, 乜咁隔夜 feel?
味噌汤卖相就最吓人, 色水混浊, 味道就饮水一样, 早知唔试.
朋友的三色丼有颇厚切的油甘鱼, 颇厚切的三文鱼及一个 "scoop" ( ) 葱吞拿茸, 试了少少葱吞拿茸只觉葱味, 吞拿就无味; 朋友就话「好耐无食过超市味的三文鱼」, 听落都几...
食物唔掂, 环境亦麻麻, 硬觉得有点似唱 K 的地方; 全场得我哋及另一台客, 我哋叫咁少嘢食, waitress 落单覆单都可以乱到七彩, 态度又爱理不理的, 招呼亦唔掂 -- 还是因为夜晚供应「tick 纸仔」放题的关系, 所以唔识落单?
无啦啦免加一又唔知 85 定 95 折之下, 埋单每人约 $50, 平系好平, 但为免「佢大吉我大凶」, 还是唔再嚟兼 blacklist 佢好了.
P.S. 味道 2 分系俾烧鲭鱼的, 因为佢入得口; 其他最多 0.5 分!
张贴
