拉麵來 (已搬遷) 新店位置

是日气温只有八度 冻到震 一定要食啲热辣辣既野 约左一位系旺角上班既朋友午餐，我地今次就拣左去位于黑布街既拉面来食番碗拉面 我地大慨1:30到达，店内既装修同布置都充满日本风情。当时店中只有三枱客人，所以我地唔需要等位就可以入座喇。枱既旁边有啲篮 可以比客人放置手袋等物品，枱面有蒜头、白芝麻、渍物等配料供客人添加。呢到既拉面系分《金 木 水 火 土》既，我本身都几喜欢松露，所以我一见到白松露三个字就决定左拣《木》既白松露豚骨汤拉面 （$118），而同行既朋友就拣左白松露豚骨石锅沾面 （$128）。好快我地嗌既拉面就到左喇，一放上枱就闻到好香松露味！！当然要即时试下个汤底先啦，汤头浓淡度我拣左浓啲，结果都真系好够浓，都几胶质，唔错！见到佢放系上面既松露酱份量都好足够 有两片叉烧、木耳、紫椰菜、杂菌、葱粒同紫菜。而面质我拣左普通，我觉得几好食，软硬度刚好。而我都试左朋友既沾面，朋友觉得沾面既汤味道刚好，佢表示好满意，而我就觉得沾面既汤底比起我个碗淡小小。我都系比较喜欢重口味既拉面汤底。