泰‧雅

营业中

休息中

又黎左雅都商场食野，今日想食下泰国野就拣左食泰雅，仲叫左其他店嘅小食同珍奶，食food court 嘅好处就系可以一次食好多唔同野，哈哈。落完单就有个牌仔等响，去埋其他档口睇下有咩想食嘅先。等左一阵就有得食，朋友叫左饭，自己就叫左汤粉。朋友叫呢个系泰式甲抛炒猪颈肉饭，即叫即炒超香㖞，份量系劲足料，一盘都系猪颈肉，得少量青红椒、洋葱同炒咋，作为食肉兽嘅朋友就劲开心。啖啖肉有咬口，酸酸甜甜辣辣咁，味道丰富又惹味，个猪颈肉真系超正。至于啲饭就差少少，唔多够热又硬，煮左好耐挂。自己叫左泰式牛丸金边粉，转做冬荫功汤底，卖相不错㖞，仲好大碗添。牛丸有七粒，有咬口又有牛味，几好食。个冬荫功汤底都几辣，同埋几酸下，个人觉得一般，自己唔太钟意食太酸嘅野。至于啲金边粉，煮得啱啱好唔过淋，份量真系超多，全碗满到泻食唔晒呀…总括黎讲，价钱唔贵又几好食，份量十足超饱肚，仲可以用优惠价换饮品，不过是日叫左珍奶就唔加饮品了，呵呵，佢有杯芒果椰汁特饮都几想试。