一品雞煲火鍋

营业中

休息中

一品，可说是鸡煲的朝圣地，她那浓浓的酱汁就是招牌。吃过一品后，回家要骗人没有吃鸡煲基本上是不可能，因为你一定成身味，可以话系由头到脚，连鞋连袋！ 谂返都成年无去过，放工见返风涷涷地一行四人去土瓜湾一品，贪佢够大同无咁多人。是日无𫠒红鱼，听经理介绍试条海䲞。雪白嘅鱼肉放满大盆，绝无打猫，肉质爽口鲜甜，不错。价钱比𫠒红平一点。 估唔到椒盐骨腩仲正，炸得好香脆唔过火，食咗几大嚿先记得影相😅主角鸡煲出场，个人至爱中辣，多麻，但今次来得不够麻，嘴唇无乜麻痹感觉。酱汁依旧浓郁，但整体感觉是不同了，好似无以前咁好食，但𠮶一刻就系讲唔出系咩唔同咗。最后原来同行朋友都有咁嘅感觉，讨论之下得出一个众人皆认同的结论：今次只鸡应该是超级雪藏大肥鸡。肥，多肉但少鸡味，不结实，比以前更油腻，所以她必须依赖浓厚的酱汁。讲真，有边间唔系用雪藏鸡，但今次就真系有点太重雪货“feel”，有点失望！