花月冰室

营业中

休息中

收早同屋企人系冰室食餐便饭，我家传统就系要炒个小菜，配例汤白饭。呢度新开干净企理，光猛卡位圆枱都坐得舒服。必须一试：黄金脆皮虾球。牛油咸蛋黄酱炒到起晒沙，超香，虾球大粒弹牙里咗层薄炸脆皮浆，热辣辣炒起，个脆皮蘸满金沙酱，真系欲罢不能。XO酱西兰花炒斑片个汁捞饭好正，斑片新鲜厚切肉质鲜味，细心位：西兰花有焯过先炒（好多茶记系生炒太硬），另外非常欣赏XO酱汁调味恰到好处，仲加左椒丝同韭黄！西汤中汤足料，仼君选择。夏日尾声饮杯「紫醉金迷」，系叶豆花芒果汁菠萝柠檬特饮，甜甜地几清新，如果渐层再做靓啲会更开心。