時代冰室 (公主大廈) (已結業)

今晚去咗炮台山嘅时代冰室食饭同朋友倾吓偈，特别钟意冰室嘅气氛，好有老香港嘅感觉。大家都系食肉兽，所以叫咗一个两个铁板餐。我叫咗个重量级美国西冷牛扒餐，照烧汁配意大利粉。加八蚊有个红豆冰，啱晒大热天时。西冷牛扒好有份量，肥瘦均匀，肉质鲜嫩，照烧汁同肉汁锁住喺牛扒入面。朋友叫咗个海陆空三拼铁板扒，有安格斯牛仔骨，蒜蓉烟肉扒大虾，妙龄炸乳鸽。睇落好丰富，朋友特别欣赏炸乳鸽，话好入味㖞。配冰涷港式奶茶一流。