奕 串燒料理 (已結業)

平日返工多数买外卖响自己位食，但今日约左朋友就想揾间坐得舒服啲嘅。揾到 Times Square后面有啲上楼餐厅，见楼下姐姐派传单 奕 串烧有8折，所以就试吓日本午餐😊入到去地方唔太大但好整洁，每张枱都有足够嘅空间感。而员工亦会替每个客人细心帮忙量体温、同俾搓手液食客用。见到个lunch set就突然好想食鳗鱼，谂起个汁都流口水，所以叫左一个浦烧鳗鱼丼，另外再点左个汁烧鸡扒定食，两个share😜每个lunch set都有前菜同面豉汤，沙律菜配上柚子汁好fresh又食到好开胃。而个汤比平时嘅浓味少少，但唔会太咸，食完就等个饭嚟啦🍚侍应都好细心，唔会一次过上菜而令到食物冻左。首先讲吓个令人心动嘅鳗鱼丼，上菜已经好欣赏佢嘅碟😂系厚身瓷器嚟，好靓好有style。个鳗鱼一啲都唔肥㖞，仲微微烧过，条鱼嘅口感又juicy外面又脆卜卜👍🏻鳗鱼下面仲加左少量煎香嘅蛋丝，中和返浓烈嘅鳗鱼汁味。而个汁烧鸡扒饭都唔差呀，鸡扒外脆内滑，一样煎得好香口，好有炭烧嘅feel。虽然唔多汁送饭，但佢个配菜超甜 - 椰菜配蛋黄酱，一啖鸡一啖椰菜，好快就食晒成个set啦😋希望迟啲可以试吓佢晚市嘅串烧💪🏻