時代冰室 (公主大廈) (已結業)

「时代亅两个字在这大半年触动人心，而时代冰室系由萧若元先生顶手旧址蓝店开的。餐厅有点怀旧装修，环境光猛。可能新开业关系，人流较多，人手唔太足够，等餐时间比较耐。先来煎双蛋和鲜油餐包，煎蛋未熟透，d蛋白仲未凝固得哂。葱油滑鸡我望左个menu几秒已经锁定食葱油滑鸡，平时茶记好少见到！先赞个鸡汤底，真系用鲜鸡煮出泥既汤咁，d米粉完全索哂个汤。鸡肉肉质都好滑嫩，仲有条菜心，感觉好健康咁。厚切猪扒因为见到对面枱食紧既猪扒厚身得泥又大大块，所以男朋友都唔执输点左。虽然猪扒系厚切，但入口松化，一d都唔韧，而且食得出系用美极腌既。食物质素性价比高，黄色经济圈又多个好选择啦。