影片
更多
2021-11-16
3571 浏览
🦋久仰大名的《The Butterfly Room》下午茶话要两个月前book先有位，仲要月头上网定时抢咁夸张，呢排爱上左high tea的猫妹嚷著想食好耐，竟然自己系两个月前book咗位，来庆祝一下呢对high tea脚周年纪念，今次就轮到熊妹受惠，真系辛苦哂！📌地理位置就系近排最新兴起的《Rosewood Hotel》2楼，其实酒店级数顶尖到都荣升到全港数一数二，当中出品的餐厅咁出名就绝对系相映成趣。📌哗！一踏入《The Butterfly Room》的门口，简直系贵气逼人。首先，两层高的楼底令空间感十足，一啲压迫感都无，好似讲野几大声都无咩回响咁，另外，周边的装潢加入了蝴蝶🦋的元素，虽然五颜六色🎨，颜色鲜艳，但设计简洁，唔会令人花多眼乱👀。📌有二人窗边枱，有四人沙发枱，高背靠椅，坐落去微微向下倾，然后向后挨上椅背，感觉类似坐大班椅，叹杯茶吃件甜点，舒服又写意，这就是叹下午茶的享受。📌另外，还有花瓣形设计的靠背椅，可以摆放行李或者上座，设计非常特别，雍容华丽，花形又能衬托蝴蝶厅的格调，熊妹都想拥有一张安放在家中，如果有咁大个厅的话。📌《The Butterfly Room》下午茶好
📌地理位置就系近排最新兴起的《Rosewood Hotel》2楼，其实酒店级数顶尖到都荣升到全港数一数二，当中出品的餐厅咁出名就绝对系相映成趣。
📌哗！一踏入《The Butterfly Room》的门口，简直系贵气逼人。首先，两层高的楼底令空间感十足，一啲压迫感都无，好似讲野几大声都无咩回响咁，另外，周边的装潢加入了蝴蝶🦋的元素，虽然五颜六色🎨，颜色鲜艳，但设计简洁，唔会令人花多眼乱👀。📌有二人窗边枱，有四人沙发枱，高背靠椅，坐落去微微向下倾，然后向后挨上椅背，感觉类似坐大班椅，叹杯茶吃件甜点，舒服又写意，这就是叹下午茶的享受。
📌另外，还有花瓣形设计的靠背椅，可以摆放行李或者上座，设计非常特别，雍容华丽，花形又能衬托蝴蝶厅的格调，熊妹都想拥有一张安放在家中，如果有咁大个厅的话。
📌《The Butterfly Room》下午茶好特别，食物都系包括典型下午茶小点都有的三文治、甜点、松饼、咖啡或者，但呈现的形式比较特别，先会送上一碟四款的手指三文治，然后店员会推出西式点心餐车，送上英式松饼连果酱，接著再推出另一架甜点酥饼蛋糕餐车，最后会推出招牌71.5度朱古力甜品餐车，所有餐车款的甜品茶点都可无限量添点，而餐牌都唔会显示餐车所有茶点的名称，但会有店员讲解是日提供的茶点，有别于一般的三层架下午茶，有人服务之余，再加多点食客与店员的交流，令到食客更能融入餐厅当中，不至于只停留在自己饭枱，成个下午茶的流程感觉都非常特别。
📌《The Butterfly Room》出名茶品，有招牌「The Butterfly Room Blend Tea」、绿茶、红茶、白茶、黑茶同洋甘菊草本茶，几乎各类茶款都有齐，一定拣啱一款心水。📌价钱为$798两位，如果以可以无限添食嘅优待，咁高级嘅地方享受呢个下午茶，呢个价钱真系绝对抵食。
Tea Sandwiches
110 浏览
0 赞好
0 留言
首先奉上一碟四款八件嘅手指三文治，都知道大家饿着个肚嚟任食下午茶，三文治先医医个肚先。
听店员讲解后，四款三文治包括牛油果蟹肉、芝士火腿、鱼子酱烟三文鱼同黑松露蛋沙律，老实讲呢四款口味熊妹都好啱食，全部用料都好新鲜，特别系烟三文鱼，咬落去仲有好新鲜嘅三文鱼油脂泌出来，鱼肉冇渣；牛油果整成溶，搽喺面包上薄薄一片，味道唔系好出，蟹肉丝好新鲜，淡淡蟹肉好满足。
而猫妹就最欣赏由细到大都最爱食嘅芝士火腿，熊妹都联想起中学时期，猫妹就一定会拣芝士火腿三文治做早餐，不过呢款芝士火腿三文治又真系技胜一筹，芝士片味好浓郁又厚，唔系一般淡芝士片，火腿片本身虽然薄，但重叠左几层，增加左口感，酒店级数嘅平民美食果然系非同凡响。
而熊妹最欣赏系食到最后一件嘅黑松露蛋沙律，超级惊喜嘅系有成片黑松露喺三文治上面，超鲜嘅黑松露味道喺口腔里萦绕咗一阵，同平平无奇嘅蛋沙律三文治味道非常之夹。
Elegant Surprise
76 浏览
0 赞好
0 留言
店员突然送上一人一小杯灰色汤，真系好惊喜㖞！餐牌都唔见有呢款菜式嘅，闻落已经系好香嘅黑松露味，即系黑松露汤。
汤质好浓稠，食到绞碎左嘅粒粒野菌，同黑松露烹调埋一齐真系超级香，趁热饮系可以暖下胃，放凉饮，黑松露味都依然系咁强烈，果然系用料上乘，不失材料嘅味道。
Freshly Baked Delicacies
73 浏览
1 赞好
0 留言
新鲜烘焙嘅甜点就即系英式松饼啦！同样地都系有牛油原味同埋提子干味，咁就每款一件试吓啦。跟上嘅果酱有士多啤梨果酱、金橘果酱同埋clotted cream。
《The Butterfly Room》松饼就未至于称得上系三甲位置之上啦，口感系松脆嘅，牛油味都重嘅，只系未做到外脆内软嘅感觉，成件事系成个松饼都偏松脆，甚至内里都系同一样嘅感觉食落去就好似食一件厚层啲松脆嘅牛油曲奇饼，就冇咗本身松饼入边应该比较软淋的牛油松化嘅质感，咁就逊色咗啲啦。而果酱味道都几唔错，唔会偏甜，熊妹都系拣上最爱嘅clotted cream。
Pastry Trolley
62 浏览
3 赞好
0 留言
呢款系甜点餐车，有五款甜品可以拣，有抹茶红豆慕丝挞、无花果忌廉蛋糕、经典拿破仑、马卡龙同埋芒果牛奶布丁。
甜品款味道有啲偏甜，忌廉蛋糕质感软熟，不过甜咗少少，外层嘅忌廉系几creamy的，入口即溶。
马卡龙系百香果味，酸酸甜甜，变成唔系得macaron假甜嘅味道。
牛奶布丁都几香云呢拿味，布丁口感唔硬，味道又唔甜，不过上面点缀嘅芒果粒就比较偏酸，酸到盖过咗牛奶嘅味道。
最好味一定系拿破仑酥皮好酥脆，入边嘅牛奶忌廉又唔系好甜，一件细细地，猫妹都说要再encore。
抹茶控嘅熊妹都系会投返抹茶甜品一票，抹茶味真系几香浓，食得出用上价钱不菲嘅抹茶粉，少少苦苦涩涩但又有红豆蓉嘅中和，成件事就好夹啦。
Confectionery Trolley
60 浏览
0 赞好
0 留言
再来嘅餐车系《The Butterfly Room》招牌71.5度朱古力甜品车，用上各款浓度嘅朱古力制成嘅朱古力甜品，有招牌71.5度朱古力黑森林蛋糕、朱古力挞、朱古力泡芙、拖肥百香果味朱古力，仲有一块块果仁朱古力可以食添，完全啱晒朱古力爱好者猫妹，成款车嘅朱古力甜点都俾佢食晒，咪话唔夸张，最后猫妹结论系朱古力🍫都系就咁食最好味。
Tea Selection
61 浏览
0 赞好
0 留言
The Butterfly Room Blend Tea
熊妹当然拣上招牌茶款「The Butterfly Room Blend Tea」试下喇。
以绿茶为底，加入左果茶同花茶，好清香又有果茶嘅甜味，绝对系值得一试嘅招牌茶品，唔错。
TWG 1837 Black
猫妹就想试吓浓啲嘅茶，拣上黑茶叶，TWG茶叶就当然出名啦，茶味系几浓，食完一堆甜点之后可以用呢个浓茶嚟洗淡口腔的甜味，呢个配搭都可以。
📌想keep住呢份高档次享受，门口更有饼店档位售卖几款招牌甜点可以外带，keep住呢份开心带回家。
📌熊妹猫妹舒舒服服坐足两个钟，倾足两个钟，饮啖茶又食个茶点，倾下以前又谈下现况，感概时间的流逝，又到黄昏了，就像系蝴蝶厅内了个时间轮回，都仲有下一场，相信到访的每位都有自己的回忆感受，咁受欢迎一定有佢的价值。
张贴
