影片
更多
2020-06-12
358 浏览
餐厅走怀旧风，水晶灯、褐色皮疏化、木制墙身窗框、白纱窗帘、经典英文老歌，真系好似时光倒流咁。虽然花心思装修布置，但晚餐价钱都算平民，大多数都百几蚊上落，难怪平日夜晚都full house。晚餐都几多选择，有十几款，同样嘅套餐喺lunch time都有供应，价钱系标价嘅八折。面包配橄榄油同黑醋，黑醋酸中带甜易入口，平时唔系好钟意食酸嘢嘅我都觉得好味。面包唔够食仲可以添。是日餐汤系洋葱清汤，里面多甜洋葱又清清哋，饮完唔怕有口气。我哋跟餐+$30有凯萨沙律，好大碟。主菜【香煎挪威三文鱼•蜜糖芥末籽忌廉汁】个汁香甜好味又creamy，三文鱼肉嫩多汁，三文鱼皮煎得香脆，加上个蜜糖汁，有啲似烧鸡翼嘅鸡皮咁好味。【美国顶级西冷牛扒(约10安士)•白松露油肉汁】顶级西冷扒好juicy，肉味香浓。用白松露油做汁比较少见，比起黑松露味道更「内敛」，唔怕抢走肉味，有心思。两个主菜我哋拣咗【月桂花蜜焗南瓜及香蒜薯蓉】做配菜，香甜蜜糖味嘅南瓜真系第一次食，几特别。餐饮都有特色饮品，【热鲜橙茶】系甜橙，饮落微酸微甜，消脂解腻。【石榴汁】就健康之选。最后点少得甜品，跟餐半价$15有【自家制纽约芝士饼】，软滑香浓芝士
虽然花心思装修布置，但晚餐价钱都算平民，大多数都百几蚊上落，难怪平日夜晚都full house。
晚餐都几多选择，有十几款，同样嘅套餐喺lunch time都有供应，价钱系标价嘅八折。
面包配橄榄油同黑醋，黑醋酸中带甜易入口，平时唔系好钟意食酸嘢嘅我都觉得好味。面包唔够食仲可以添。
是日餐汤系洋葱清汤，里面多甜洋葱又清清哋，饮完唔怕有口气。
我哋跟餐+$30有凯萨沙律，好大碟。
主菜【香煎挪威三文鱼•蜜糖芥末籽忌廉汁】
个汁香甜好味又creamy，三文鱼肉嫩多汁，三文鱼皮煎得香脆，加上个蜜糖汁，有啲似烧鸡翼嘅鸡皮咁好味。
【美国顶级西冷牛扒(约10安士)•白松露油肉汁】顶级西冷扒好juicy，肉味香浓。用白松露油做汁比较少见，比起黑松露味道更「内敛」，唔怕抢走肉味，有心思。
两个主菜我哋拣咗【月桂花蜜焗南瓜及香蒜薯蓉】做配菜，香甜蜜糖味嘅南瓜真系第一次食，几特别。
餐饮都有特色饮品，【热鲜橙茶】系甜橙，饮落微酸微甜，消脂解腻。【石榴汁】就健康之选。
最后点少得甜品，跟餐半价$15有【自家制纽约芝士饼】，软滑香浓芝士饼兼用朱古力酱写埋餐厅名，超抵必食。
张贴
