影片
更多
2014-02-22
2210 浏览
难得平日放假相约朋友到数码港睇电影，因为平时较少到南区所以特意提早到鸭脷洲逛逛兼食晏。 一直觉得香港仔、鸭脷洲系渔民聚居嘅地方，有渔船停泊、游客必到嘅海洋公园、珍宝海鲜舫; 而香港仔谢记、南记鱼蛋粉亦都系由细食到大。 不过近几年南区不断发展转型，翻天覆地搭建地铁、兴建豪宅，不久将来必有一番新景。 今日闲逛于鸭脷洲大街上完全感受到一种宁静小社区内街坊邻里嘅一种情怀。没有大型巴士、货柜车于街上，只有少量私家车、小型客货车、小巴等; 而大多数楼房都不高于十层，市区罕有; 更难得系走在街上完全无压迫感，当中有好多特色怀旧小店，应该已经营好几代无论外表同货品都好似停留于某个年代一样。 首先印象深刻系友和士多， 格局同以前见过嘅一样，舖门前放有各式各样糕点，种类之多今时今日确实难得一见 ， 而且大部份都系$5一件， 真系想样样都试吓。烧饼排列于一不锈钢大盘内，每个烧饼差不多有手掌大小，较大件兼厚身但皮薄而豆沙馅适中，喜欢饼表面烘得够干身唔油腻，又唔会黐牙，好好味呀。马仔系我至爱，店员将一盘像小方枱大小嘅马仔分为两件一袋售卖。 颜色金黄，食落松脆又唔会散开，而糖胶香甜唔太黏口，所以食完再买多两包俾
今日闲逛于鸭脷洲大街上完全感受到一种宁静小社区内街坊邻里嘅一种情怀。没有大型巴士、货柜车于街上，只有少量私家车、小型客货车、小巴等; 而大多数楼房都不高于十层，市区罕有; 更难得系走在街上完全无压迫感，当中有好多特色怀旧小店，应该已经营好几代无论外表同货品都好似停留于某个年代一样。
首先印象深刻系友和士多， 格局同以前见过嘅一样，舖门前放有各式各样糕点，种类之多今时今日确实难得一见 ， 而且大部份都系$5一件， 真系想样样都试吓。
烧饼排列于一不锈钢大盘内，每个烧饼差不多有手掌大小，较大件兼厚身但皮薄而豆沙馅适中，喜欢饼表面烘得够干身唔油腻，又唔会黐牙，好好味呀。
马仔系我至爱，店员将一盘像小方枱大小嘅马仔分为两件一袋售卖。 颜色金黄，食落松脆又唔会散开，而糖胶香甜唔太黏口，所以食完再买多两包俾阿妈试吓。
新鲜香蕉糕已经好少有舖头售卖，除常见嘅条状外仲有外形好似北京小食「驴打滚」一样嘅香蕉豆沙糕，一大件非常软糯兼豆沙份量十足，又好味又抵食。
煎堆炸得金黄布满香口芝麻，皮外面好脆仲好薄，同样地里面豆沙份量足够晒香甜，食落一啲都唔油腻。
估唔到一间细小士多有咁怀式旧糕点售卖，有顾客问系唔系全部自己造，老板娘好热诚介绍边几款系来货，而边几款系自家出品，非常老实。 希望可以继续保存呢啲富有香港特色嘅店舖。
张贴
