香城茶室 (已結業)

喺尖东返工好耐，今日先知原来历史博物馆有间茶室。好大嘅空间，有卡位，有圆台，卡位有普通有中式，中式几有感觉，系时光倒流嘅感觉，上面有2个雀笼，櫈系木造嘅，椅背有镜，不过顶背，所以我地最后都系坐返圆台，好多张台都暂停使用，疫情下我见过呢间最守规矩👍，个个都为咗做生意，唔会跟1.5米距离。半快餐形式，出去点餐，之后有人送餐，点咗个肉酱意粉56蚊，比我预期贵，以为社企会比出面平少少😅，不过环境好，够宽敞又干净👍，唔会好似其他茶记咁急促，坐得咁迫，未食完就想收碟。意粉好大碟，虽然唔系话好好食，不过感觉无出面咁heavy同咁味精，奶茶个茶底都麻麻。