帝樂 - 德國餐廳 (已結業)

某一日我同我朋友心血来潮想食德国野，于是我地就一齐上Openrice睇下有咩正既德国餐厅！然后我发现某一间位于尖沙咀新世界中心对面既德国餐厅，𠮶度不单止可以饮到麦啤，连影出嚟既𠮶只咸猪手，同我喺德国食𠮶只好似系一模一样架！好，咁我地就相约快d去试下呢间野！ 面包外脆内软，仲要两款酱比你点嚟食(其实就咁食都已经好好味)！红色既系牛肝酱，我本人系唔食内脏既，所以只试咗一口，味道系可以接受！另一款呢就系芝士酱喇，香滑既芝士加入香草，味道冇得弹呀！ 德国肠~~最上面𠮶条唔好提，因为佢根本就系平时既司华力肠！之于其他𠮶d呢，只只都好好味架！ 德国咸猪手，d皮好脆，仲要冇咩脂肪！而入面d肉要够嫩口，先系真正既德国猪手！正 肉丸薯饼！个薯饼好一般！个肉丸又系咸到食唔到！呢个唔得...呢间德国餐我去过几次！不过佢既水准就时好时坏！我相信系要撞厨师既问题，有一个整得好，有一个整得麻麻！所以你去到𠮶日好食与否，就要睇你好唔好彩喇！如果踫到煮比你食𠮶个系整得好食既厨师，咁你就有口褔喇！