影片
更多
2019-01-15
136 浏览
放工必经红磡站嘅我，前几日心血来潮，忍唔住闯入黄埔，为咗食相隔多年无食嘅时新汉堡，此举真系可以话系一时冲动，但事后自认非常值得。自毕业之后，到红磡机会少之又少，直至红磡铺结业都无再食过。新铺位于黄埔花园比较入嘅位置，所以都需要走一段时间先到达新铺。由于走咗好一段路，到达时已经饥肠辘辘，所以都无考虑太多直接睇餐单柯打野食。可以见到今日餐单距离刚开张已经变咗好多，我都不假思索地柯打「照旧」，一个双层汉堡芝士包加炸薯条，另外小试一下佢嘅罗宋汤。闲日夜晚铺内唔算太多人，唔知系咪因为咁，所以出品感觉特别有心，明显即叫即整。就评评汉堡包，包身有轻轻烫热，所以入口除咗带微热之余，口感外脆内松化；而汉堡则用新鲜牛肉手打而成，食得出内里有洋葱粒、胡椒等提味同增加口感，味道掌握得岩岩好，充满牛肉味且肉汁丰富，汉堡真系相当出色。再配合埋店里特制嘅神秘白汁，甜甜地带水果沙律酱感觉，非常清新食得多都唔觉漏，同汉堡包真系超级搭配。而薯条虽然唔系啲乜野自家制品牌，但质素都非常不错，因为够哂热辣辣，即叫即炸其实真系唔差得去边，唯独可能系价钱方面就比较贵少少。至于罗宋汤，个人觉得调味够，汤唔会太稀，所以整体不过不失，试
新铺位于黄埔花园比较入嘅位置，所以都需要走一段时间先到达新铺。由于走咗好一段路，到达时已经饥肠辘辘，所以都无考虑太多直接睇餐单柯打野食。可以见到今日餐单距离刚开张已经变咗好多，我都不假思索地柯打「照旧」，一个双层汉堡芝士包加炸薯条，另外小试一下佢嘅罗宋汤。
闲日夜晚铺内唔算太多人，唔知系咪因为咁，所以出品感觉特别有心，明显即叫即整。就评评汉堡包，包身有轻轻烫热，所以入口除咗带微热之余，口感外脆内松化；而汉堡则用新鲜牛肉手打而成，食得出内里有洋葱粒、胡椒等提味同增加口感，味道掌握得岩岩好，充满牛肉味且肉汁丰富，汉堡真系相当出色。再配合埋店里特制嘅神秘白汁，甜甜地带水果沙律酱感觉，非常清新食得多都唔觉漏，同汉堡包真系超级搭配。
而薯条虽然唔系啲乜野自家制品牌，但质素都非常不错，因为够哂热辣辣，即叫即炸其实真系唔差得去边，唯独可能系价钱方面就比较贵少少。至于罗宋汤，个人觉得调味够，汤唔会太稀，所以整体不过不失，试下无妨嘅质素。
总结，相比起红磡铺时人少咗，店内位置大咗宽敞咗，其实都几好。至于食物水准同之前都系一样味道，无点样退步。除咗价钱相对上偏高，都无可挑剔，但既然食物味道同水准稳定，呢个价钱都可以接受。好食嘅汉堡包真心难求，就算偏少贵，但好食依然都系值得推荐。
张贴
