咖喱至尊

营业中

休息中

例汤？唔饮真系唔知系咩汤，不过有阵时饮左都未必知，到底依碗系咩东东呢？味道几清甜，满意。青红萝卜瘦肉汤，见到汤渣喇，原是晚例汤也。西兰花炒鲜鱿，够晒镬气，热辣辣，正 ﹗鲜鱿同西兰花都爽口鲜甜，好好味。二人套餐一小炒一咖喱两白饭两饮品都系九十几蚊 ﹗超值又好味 ﹗ 巴基斯坦咖喱鸡扒中辣，一向都食开大辣，唔知点解叫左中辣。谂左好耐唔知食咩咖喱好，咖喱鱼、牛腩、青口、海鲜、虾、鸡、鸡扒，最后谂住鸡扒唔洗轮骨啰。上次食中辣真系辣到𩙪汗，但今次都唔辣既，睇黎佢地既大中小辣系随意架㖞。咖喱好好味，佢同饭系绝配，捞饭食一流，忍唔住整多半碗饭，饱死喇。鸡扒系炸架，表层及大部份范围都干争争，里面小部份肉嫩滑有肉汁。只系将鸡扒浸落啲咖喱度，并无一齐煮过、炒过或炆过，所以咖喱还咖喱、鸡还鸡啊 ﹗即系鸡扒搽左咖喱汁系表度咁啰。以后都系独孤一味食牛腩好喇 ﹗或煮食鸡，唔好食鸡扒。