影片
更多
2024-01-09
2161 浏览
🥰 三年悠长假期, 试过 寿司刺身, 天妇罗, 烧肉 嘅厨师发板, 大开眼戒. 早前 “老友食家” 推介相对冷门嘅 “寿喜烧”, 点名 预约困难店 - “森” Sukiyaki Mori.🤗 “森” 喺中环设三间分店, 边间有位食边间, 卑利街分店 有日本师傅坐镇, 一位难求, 歌赋街分店 啱啱装修休业, 今日相约即将去美国进修嘅 “小秘书”, 嚟到 荷李活道分店, 解锁我未食过嘅 “关西寿喜烧”. 电话订位, 可以选择入座时间: 6:30pm, 7:30pm, 8:30pm, 唔使落订.📖 寿喜烧, Sukiyaki, 日本锅物料理之一, 以少量酱汁烹煮嘅火锅. 食材包括牛肉切片, 大葱, 蔬菜, 豆腐, 芋丝, 冬菇等, 蘸生鸡蛋食. Suki 意指农耕时嘅锄头, Yaki 意指烧烤, “寿喜烧” 又称为 “锄烧”. 关东版本 使用已调配好嘅汤酱汁, 放入牛肉蔬菜, 类似火锅, 关西版本 先以牛油抺空锅, 放上牛肉煎烤, 再分别加入砂糖及酱汁, 相对似烤肉.📖 翻查资料: “天武天皇” 受宗教影响, 旨禁食用兽肉, “德川幕府” 时期, 人民喺值得庆祝嘅日子可以食 “寿喜烧”! 当
🤗 “森” 喺中环设三间分店, 边间有位食边间, 卑利街分店 有日本师傅坐镇, 一位难求, 歌赋街分店 啱啱装修休业, 今日相约即将去美国进修嘅 “小秘书”, 嚟到 荷李活道分店, 解锁我未食过嘅 “关西寿喜烧”. 电话订位, 可以选择入座时间: 6:30pm, 7:30pm, 8:30pm, 唔使落订.
📖 寿喜烧, Sukiyaki, 日本锅物料理之一, 以少量酱汁烹煮嘅火锅. 食材包括牛肉切片, 大葱, 蔬菜, 豆腐, 芋丝, 冬菇等, 蘸生鸡蛋食. Suki 意指农耕时嘅锄头, Yaki 意指烧烤, “寿喜烧” 又称为 “锄烧”. 关东版本 使用已调配好嘅汤酱汁, 放入牛肉蔬菜, 类似火锅, 关西版本 先以牛油抺空锅, 放上牛肉煎烤, 再分别加入砂糖及酱汁, 相对似烤肉.
📖 翻查资料: “天武天皇” 受宗教影响, 旨禁食用兽肉, “德川幕府” 时期, 人民喺值得庆祝嘅日子可以食 “寿喜烧”! 当时嘅食材其实系鸡肉, 所以又叫 “鸡素烧”. 明治维新 后, 日本人开始接受牛肉, 进而演变为 “寿喜烧” 嘅主要食材.
🥢 今晚点咗 Sukiyaki Set, $730+10%, 另加 牛舌, $100+10%, 清酒 (300ml), $250+10%. 师傅盘上牛肉同埋蔬菜, 然后逐一烹煮. 同步提供生鸡蛋, 同埋少量白饭. 玩法少少似 Yakiniku Great 嘅 烤肉厨师发板.
前菜
茶碗蒸
牛肉: 肉眼, 西冷, 牛肩
牛舌
蔬菜
滑蛋牛肉饭
面豉汤
甜品
Sukiyaki Set
28 浏览
0 赞好
0 留言
🥢 讲讲环境, 餐厅门面和式设计, 木系趟门, 入门口右边设一张八人方枱, 左边设一张四人卡位, 直望一张L型十人吧枱, 室内摆位不规则, 哈哈. 今日被安排坐吧枱, 无论坐普通枱或者吧枱, 都有师傅煮埋俾你食.
🍀 前菜: 蚕豆, 海老芋, 京人参, 黑豆. 炸芋头比较出色, 外皮炸脆, 芋头腍哂. 京人参, 即系红萝卜, 爽甜.
🦀 松叶蟹肉蒸蛋. 蟹肉鲜味涌出, 蒸蛋够热够实净, 加咗少少姜, 不俗.
🐂 主角出塲, 第一片, 肉眼, 近江牛, A4 级别. 雪花纹平均, 入口溶化, 调味略甜, 就系 “寿喜烧” 嘅特色, 收货!📖 翻查资料: “近江牛” 系 滋贺县 产嘅黑毛和牛, 400年歴史, 日本最悠久嘅食用牛, 与 三重县 产嘅 ”松阪牛”, 兵库县 产嘅 “神户牛” 并称为日本三大和牛.
🥬 蔬菜: 白菜, 豆腐, 面筋, 冬菇. 蔬菜甜美入味, 又帮助解腻, 迎接下片牛肉.
🐂 第二片, 西冷, 配两粒 蒟蒻. 牛味升级, 调味浓厚, 开始觉得腬, 试下蘸生鸡蛋, 味道拖淡咗, 相反, 配白饭相当出色, 问题系太饱啰.
🧅 淡路岛洋葱. 据师傅介绍, 淡路岛洋葱冇咗辛辣味, 食落清甜.
🐂 第三片, 牛肩. 酱汁继续浓味, 肉味再重, 但分别不大. 由于脂肪比例少咗, 食落冇咁腬.
🥢 蒟蒻丝. 类似粉丝, 入唒味, 掂!
🐂 第四片, 又系牛肩, 理应最重牛味, 老实讲, 不及打边炉或者扒房嘅牛肉. 四片牛肉, 拉唔开层次, 缺乏变化.
🐂 牛舌, 第一片较腍滑, 第二片较脆口, 味道大同小异, 由于簿切, 口感没有预期中嘅惊艶.
牛舌
45 浏览
0 赞好
0 留言
🤗 面豉汤. 加咗山椒, 用作解腻, 怪怪哋, 唔识欣赏.
🍮 甜品: 果冻, 蕨饼. 完美结束!
🤗 总结: Sukiyaki Mori “寿喜烧” 几有趣, 值得一试, 但 $1000餐饭, 用餐体验 交唔到功课. 可能人手不足, 服务唔够温度. 坐位逼夹, 贴实隔篱枱客, 加上油烟四起, 食完都坐唔耐. 烹煮模式相对单调, 视觉响受欠奉. 论食物, 牛肉质素不俗, 调味偏浓, Ok嘅, 但几片牛肉层次变化唔明显, 相反, 中间穿插嘅蔬菜新鲜, 种类丰富, 略带惊喜. 最大问题系上菜节奏过急, 肥腻感令食欲骤降, 扣分. 下次再试其他分店.
张贴
