老馮茶居 (海寶花園)

OT夜咗收工，又咁啱要去一去大埔中心𠮶边。本身谂住去荣晖睇吓有咩食，但经过海宝见到有间老冯茶居，食d点心填吓肚都唔错。入面装修特登揾番啲旧香港做装饰，虽然我麻麻哋呢啲夹硬做出嚟geh旧嘢，但都叫有啲心思。点心都系拣番啲平时食开geh，烧卖啊排骨啊𠮶啲。但当想拣肠粉geh时候，佢特登highlight住牛腩肠粉。真系未试过，究竟会系点呢，所以无犹豫直接tick咗。第一样嚟geh就系牛腩肠粉，但有啲失望。本身我预佢系用肠粉皮包住啲牛腩，点知系斋肠加牛腩就咁摆埋一齐...味道就普通啦，无话好特别，但唔算系难食啰。但建议下次拣番啲正常肠粉。之后嚟geh萝卜糕、烧卖、蒸排骨同菜心都系正常质素。另外嗌咗一个香芋流沙包，卖相唔错，系薰衣草色，食落去有淡淡geh芋头味。喺其他地方真系未试过，值得一试。总括嚟讲，唔算话特别出色，但就不过不失。谂唔到食乜或者喺附近想食点心geh，可以嚟老冯茶居。