Song

营业中

休息中

同个女仔朋友想系荃湾区揾个地方饮杯野，上网揾到一间酒吧啲相嘅酒好似几靓咁！去到叫咗一份鸡翼，我朋友就叫咗一杯1664 ，我就叫咗一杯cocktail ，不过可能坐咗喺外边，条街都好多人都围绕着酒吧门口食烟，间铺唔算大间，气氛唔差，𠮶度个服务员都几好态度，鸡翼就用咗泰式辣酱做配料，都唔错嘅！不过杯Cocktail,叫左Pina Colada ,饮落去第一啖就好好味，好有椰汁嘅甜味，但系饮第二啖开始，就觉得超酸，越饮越酸，可能我唔识饮，但印象中既pina colada 唔会咁鬼酸，气氛整体黎讲倾计都唔错，可以系荃湾揾到咁既地方都算合格