St. Barts (已結業)

夜晚黑好少去高街，通常都係中午去食個lunch，今晚就行去高街睇吓，原來嗰度夜晚黑啲餐廳，另有一番風味😊今晚就去呢間 St . Barts 試下，我哋一入到去，waiters 熱情款待，介紹我哋小朋友有啲咩啱食。happy hour (好似七點前)啤酒30幾蚊杯好抵飲，set dinner都幾抵食，仲有kids Menu, 啱晒一家大細。Set dinner starter 可以選擇雞翼、生豪、沙律或炸魷魚圈主菜，有好多選擇，豬牛魚意粉仲有甜品cheese cake 我哋叫咗一份set dinner頭盤雞翼加韓式辣醬(雞翼加埋少少辣嘅韓式辣醬，好味)牛扒(配炸薯條，份量絕對夠，牛扒肉嫩)芝士蛋糕(正常味道，芝士味都夠濃)Kids menu芝士通粉(好食，個份量夠大)蘋果汁另外嗌咗一打生蠔$298(雖然唔係好大隻，但係夠晒新鮮)兩個大人一個小朋友，份量啱啱好。