五武士 (已結業)

-五武士呢排做紧晚市铁板烧套餐半价（openrice book) 都唔错。三文鱼子松叶蟹同白虾甜虾他他作为前菜都几refreshing! 南非鲍鱼伴罗勒汁够晒爽口，而且罗勒汁同海鲜都几夹！金目鲷清清地海苔汁就唔会抢走鱼嘅鲜味。银雪鱼配羊肚菌汁，银鳕鱼煎得香脆，加埋羊肚菌汁就无平时𠮶种油腻。圣子皇厚肉有咬口，配肉桂雪梨汁都几新颖！薄烧和牛配香草蕃茄酱同喜马拉雅山岩盐，油脂好丰富，而且入口即溶，配埋啲酱汁一齐食都几惊喜！和牛三文治炸得岩岩好，外脆内嫩又唔会话过熟，岩岩好，配埋脆身嘅面包一齐食，真系无得弹！汤品都几出色，清甜，加啲青柠汁一齐饮又系另一番风味！高菜炒饭无额外的调味，只靠高菜嘅咸香到配埋啲鱼仔一齐炒到好干身，都几惹味！水信元饼配日本黑糖同黄豆粉，黑糖汁好rich，呢个甜品唔系话太Heavy都几好！