大瀛喜日本料理 (已結業)

终于到放宽社交距离措施既时候，已经十分耐冇晚市堂食，好想大吃特吃所以今日选择了放题。任食既刺身真系好吸引，三文鱼、北寄贝、八瓜鱼、仲有带子全部都超级新鲜，厚厚一片，食完又可以再食，好欣赏带子刺身，鲜甜又好味。刺身始终师傅即叫即切，始终堂食都系最好味。 系等其他菜式既时侯当然系要出去外面自取区出面选择都好多，蚬及冻虾都有。仲有瑞士鸡翼及唔同冷盘等等。最钟意系佢有冷泡茶，放题都有自家制冷泡茶。 有关熟食，好想推介，几得意，海鲜沙律多士，龙虾沙律多士，多士薄薄一片，上面沾有海鲜及龙虾沙律，咬落去又脆又鲜味，而且一口食得完.唔会觉得滞，真系几好食。 熟食方面、烧大虾、寿喜烧牛肉锅、烧牛舌，仲有吉列蚝都系超正超脆，炸既时间又岩岩好,所以系好好味。烧牛舌，盐味已经好香好好食。寿喜烧牛肉锅: 其实平日一锅已经系一个定食价钱,今日$238蚊可以咩种类食物都有，真系超值。 最后仲有movepick雪糕。我真系好耐冇试过系咁满足，咁开心。