駟馬拖車潮州飯店 (MOSTown新港城中心(4期)) (已結業)

今日第一次食呢间餐厅。之前新开张好多人我都冇食过。而家黎食晚市，两个人食。结果我觉得呢间餐厅太贵同埋都唔系好好食。睇餐牌其实冇咩选择。甜品我都拣唔落手。佢有卖啲鸡呀海鲜呀，我唔好。我谂住嗌个煲仔𩠌，唯一拣得落去沙嗲牛肉粉丝煲或者沙茶牛肉。咁我哋嗌咗沙嗲牛肉粉丝煲加两个白饭，嗌多个蚝饼。咩都未嚟就嚟咗个小食先嘅。小食就系一啲甜甜地嘅酸菜加几粒花生，但系咁样张单系收$16一位㖞，我觉得真系太贵啰。跟住蚝饼上咗嚟，我朋友就唔钟意食呢啲煎炸野嘅海鲜嘢嘅。咁我自己食晒佢，我觉得啲蚝都唔算好多，同埋好似清得唔太干净啰，有几啖咬到有啲硬嘢un牙。都几饱下，因为佢个底系类似糯米咁样，好饱吓嘅。我尽唒力食都剩低两旧。跟住个沙嗲牛肉粉丝煲嚟埋，都OK嘅入边加咗菠萝，个味都正常嘅，但系都几饱，我哋食唔晒，剩低好多粉丝。系咁以食少少嘢埋单走人要成$360总数。真系太贵啰冇下次。呢度杯茶以我嘅水平来讲我唔觉得系好饮个种，我自己屋企冲𠮶啲茶叶好饮啲。我明明感觉呢一餐大概只系值一半价钱（$180），但佢收成个double（$360）啰。下次都系屋企自己煮啦冇期望。