Thai 2.0 (已結業)

系好耐冇食过嘅泰国嘢呀！荃湾多商场，其实好多个商场都成日行，但系愉景新城就比较少去，今日难得去到愉景新城揾嘢食，见到泰国菜都好耐冇食，于是就决定今晚就选择佢。先讲讲环境，餐厅位置可以枱之间几阔落，卡位都好大张，同朋友两个人坐咗卡位，坐得几舒服。食物方面，今次想食啲平时比较少食有特色啲嘅。见到佢哋有一个二人餐都几抵食，佢会有两款汤可以选择，今次我就选择咗冬阴功汤，呢款冬阴功汤嘅味道对比平时嘅冬阴功汤酸味比较重少少，唔会太过辣，数过里面有足足六只虾。另外跟餐可以选择辣椒膏炒蟹，倒台嘅时候配埋歌薄饼点酱汁一齐食蟹肉系真系新鲜同鲜甜，而且有足足一大只蟹嘅份量。跟餐会有炒杂菜，炒杂菜嘅里边有几种菜例如系西兰花、菜心同芥兰，炒埋一齐味道几香口，唔太咸。最后食咗咁多嘢，都点返过椰青饮吓，哗！有一说一，想讲呢个椰青真系值得一赞，超级新鲜，而且大大哥，喺香港真系难得饮到平民价但系咁好饮嘅椰青，系惊喜嘅！