上海姥姥 (上水中心)

营业中

休息中

上海姥姥上次食完觉得个份量细，价钱又贵，味道又唔系特别好，今次见佢晚市有套餐所以就来试一试。晚市套餐平均要80几蚊连埋+1 茶位费基本上都系$100最少埋单，话贵唔贵话平唔平。今次点左我最爱嘅黑醋小排骨套餐，嘢饮要左红枣炖鸡汤， 另外仲有个桂花糕甜品。鸡汤味道算系浓，味道带点清甜，唔系敷衍就算。黑醋小排骨份量比想像中多，呢样野要赞赞，唔知系剩系今次咁啱系咁定系平时都系咁，味道方面就正正常常， 味道唔系最好食𠮶种浓厚嘅黑醋甜酸味，但系都不错，白饭用嘅米唔系普通泰国米，应该系中国嘅白米，口感还可以。桂花糕就正正常常啦。结帐$100左右，平一定唔系平，但比起平时散叫会化算一点。始终系商场铺，呢啲咁嘅装修，一定会平。