四寶食堂 (已結業)

今日同朋友撑枱脚，见到呢间四宝冰室有好多晚餐选择，所以就唔心大心细决定喺度解决。佢嘅晚市套餐好吸引，+10几蚊或者20几蚊就可以升级加前菜或者养生炖汤，我哋嗌咗三个晚餐。《芥兰炒牛肉》$88我哋升级左前菜，麻辣猪手，非常入味，好好香川式辣香，同埋猪手口感好爽，好味。另外芥兰炒牛肉嘅份量好多，尤其是牛肉，份量多之余，仲炒得好林，同埋好入味，芥兰亦都煮得啱啱好唔会太林，整体好满意。《京都猪扒》$98升级咗晚市养生炖汤，好足料，同埋清清地唔会好咸，饮得出冇落味精。京都猪扒同样份量劲多，大大块肉质松厚，多汁，酸酸甜甜好开胃。《鲍鱼肥肠鸡煲》$108呢煲嘢又有鲍鱼，又有肠，仲有鸡，满足晒几个愿望，全部都好入味，微辣，送饭一流，岩重口味人士。 总括来讲，虽然四宝系一间茶记，但系质素真心唔错，水准比一般茶餐厅高，下次经过会再帮衬。