金利銀輝茶餐廳

营业中

休息中

平时嚟呢度都系食早餐，下午茶。近排喺度食咗两次晚餐，水准都相当唔错，写返篇食评记念下。呢度食晚餐送例汤。西柠鸡，酸味适中，肉又够嫩滑。咖喱牛腩煲，牛腩够冧，最钟意薯仔系炸过嘅。咖喱汁食落有椰奶味，个人口味觉得可以再辣少少。粟米班块，热辣辣上碟。个汁甜甜地，班块个浆略嫌有啲不均匀。有几件个粉好厚。八珍豆腐煲，劲足料。除咗豆腐，仲有猪润，猪肚，肉片，冬菇。椒盐猪扒，不过不失，略嫌个味重咗少少。呢度晚餐真系好抵食，最平一个套餐都只系60蚊，唔怪得逢星期六日晚都咁多人排队嚟食。