影片
更多
2024-12-01
158 浏览
朋友突然问食唔食羊腩煲，就到左富临试下佢个特价煲。星期五晚七点几黎到，竟然数埋无十枱客，个市有无咁淡呀…？要点特价煲，条件系要点一个正价菜，合理吖，就先点两样野啦。⭐富临小炒皇呢个都算系近期食过最难食嘅小炒皇，虽然正常有嘅料佢都有，韭菜花、虾干、鱼干、鱿鱼、腰果等，但唔知师傅系冇落调味料定点，食落去淡茂茂好似完全冇炒过咁，仲要上枱系冻嘅，得𠮶几枱客唔使一早炒定喇啩。⭐双冬羊腩煲个特价羊腩煲就几有惊喜，细细煲都有五、六件羊腩，入面有马蹄、支竹同冬菇，但系就冇笋。而取代咗笋嘅居然系粉葛，仲要超大旧，虽然吸咗南乳羊腩汁啲粉葛其实几好味，但都唔使落咁多粉葛嘅，净系食葛都饱咗啦。计埋碟花生同茶钱，呢度食咗二百几蚊，嘢食一般啦，胜在地方大有冷气，服务就不敢恭维。
星期五晚七点几黎到，竟然数埋无十枱客，个市有无咁淡呀…？要点特价煲，条件系要点一个正价菜，合理吖，就先点两样野啦。
⭐富临小炒皇
呢个都算系近期食过最难食嘅小炒皇，虽然正常有嘅料佢都有，韭菜花、虾干、鱼干、鱿鱼、腰果等，但唔知师傅系冇落调味料定点，食落去淡茂茂好似完全冇炒过咁，仲要上枱系冻嘅，得𠮶几枱客唔使一早炒定喇啩。
⭐双冬羊腩煲
个特价羊腩煲就几有惊喜，细细煲都有五、六件羊腩，入面有马蹄、支竹同冬菇，但系就冇笋。而取代咗笋嘅居然系粉葛，仲要超大旧，虽然吸咗南乳羊腩汁啲粉葛其实几好味，但都唔使落咁多粉葛嘅，净系食葛都饱咗啦。
计埋碟花生同茶钱，呢度食咗二百几蚊，嘢食一般啦，胜在地方大有冷气，服务就不敢恭维。
张贴
