一鳴燒 (已結業)

收到风铜锣湾地带一家玩具店将结束营业，全场货品一律以半价发售，周三傍晚即约同契妹疯狂购物，希望执到好野。湿完平两口子就行咗去附近幢食厦，好随意咁拣咗间「一鸣烧」食日本野。真系估唔到楼上串烧店会如此光猛，而且仲要一啲油烟味都冇。半梳化式散座宽阔舒适。唔知细佬系咪额头上写有「饮鬼」两个字呢？！埋位一刻，妹妹仔即推介店子新推o既「$188无限添饮清酒及啤酒」优惠。XO仔见饭后仲要返公司，所以就决定今次唔玩无限啤啤啦。食串烧最好，因份量绝对容许大家各自点选心头好。头轮串烧唔洗十分钟即烧好，厨房效率真系高：「いただきます。」蒜蓉烧圣子皇（$62/只）：原只蛏子皇爽脆润滑，鲜甜惹味。烧五花腩（$54/两串）：肥瘦均匀o既五花腩肉质松软爽口，而且肉汁丰盛，食完一串必定要追加，一客有两串就刚刚好！生烧牛舌芯（$38/串）：可能细佬最后先食牛舌芯啦，牛舌芯入口时已经冻咗，幸好其质感都仍然好爽，微辣o既调味又讨好。盐烧鸡软骨（$28/两串）：辣口o既鸡软骨干巧香脆，$28有两串绝对系超抵之选。饺子鸡翼（$38/两只）：饺子鸡翼层鸡皮渗满蜜糖香，入面原来酿入咗明太子，所以咬落去爽得黎仲有种微微香辣及爆脆，都