影片
更多
2024-03-22
441 浏览
好多朋友都介绍呢间韩式刀削面，见openrice上面嘅评论好多人都话午市要排半个钟或以上，晚市如果迟咗少少去食甚至要排更加耐，好彩𠮶日平日夜晚早咗去，七点左右等十分钟就入得！😛排队嘅时候见好多食客都叫咗韩式饺子一碟有四粒，每只都大大只，同平时超市见到嘅韩式饺子有啲唔同，所以就叫咗一碟share～再叫多个牛骨汤刀削面两个人食～坐低之后店完就递上碟泡菜，泡菜唔太酸，咸度刚刚好，腌得几好食～😛------------------------------双拼韩式饺子 $58 ------6.5/10上枱嘅时候连埋不锈钢蒸笼上几特别，双拼饺子两只系猪肉两只系泡菜，一啖绝对食唔晒一只。作为唔食辣嘅我泡菜都几辣，饺子皮偏薄，好足料，不过未至于爆汁，有少少干身。而猪肉饺子腌得几好食，味道比较易入口，所以个人钟意猪肉饺子多啲😛因为饺子真系好大只附送嘅饺子醋酸酸地可以令到个饺子冇咁腻。👍牛骨汤刀削面 $78 ----- 8/10早排去完韩国，食过明洞嘅神仙雪浓汤，好自然就将佢攞嚟比较。汤底似系雪浓汤加咗盐同蒜蓉嘅版本，比起神仙雪浓汤牛骨味更重，我哋最后成碗汤饮晒。👍佢嘅刀削面唔似中式真系用刀片面团𠮶只，
排队嘅时候见好多食客都叫咗韩式饺子一碟有四粒，每只都大大只，同平时超市见到嘅韩式饺子有啲唔同，所以就叫咗一碟share～再叫多个牛骨汤刀削面两个人食～坐低之后店完就递上碟泡菜，泡菜唔太酸，咸度刚刚好，腌得几好食～😛
------------------------------
双拼韩式饺子 $58 ------6.5/10
上枱嘅时候连埋不锈钢蒸笼上几特别，双拼饺子两只系猪肉两只系泡菜，一啖绝对食唔晒一只。作为唔食辣嘅我泡菜都几辣，饺子皮偏薄，好足料，不过未至于爆汁，有少少干身。而猪肉饺子腌得几好食，味道比较易入口，所以个人钟意猪肉饺子多啲😛因为饺子真系好大只附送嘅饺子醋酸酸地可以令到个饺子冇咁腻。👍
牛骨汤刀削面 $78 ----- 8/10
早排去完韩国，食过明洞嘅神仙雪浓汤，好自然就将佢攞嚟比较。汤底似系雪浓汤加咗盐同蒜蓉嘅版本，比起神仙雪浓汤牛骨味更重，我哋最后成碗汤饮晒。👍佢嘅刀削面唔似中式真系用刀片面团𠮶只，形状似伊面多啲，颜色偏黄应该系用小麦做出嚟。面条少少波浪型比较易挂汁，食落都几弹牙。牛肉质地似一块薄薄嘅牛展，隔一层肉隔住一层骨胶原，唔算太韧，不过只有薄薄四块有啲唔够喉。👍汤底亦都喺面头加咗紫菜同埋大葱令到汤底味道更加有层次。份量嚟讲佢都算几大碗一个女仔自己食应该会好饱，所以两个人一份饺子一份刀削面就啱啱好喇！😛
环境
餐厅入面有大概六张四人枱，基本上两个人嚟一定要搭枱，而且枱上面配菜较多，有几样调味料包括胡椒粉辣椒酱等等仲有纸杯同水自己斟，令到张枱变得更窄，有啲逼狭。😞不过好彩佢上菜速度几快，所以都唔算坐好耐。而且空间较细每张枱都好密，所以基本上每一台都系食完就走唔会坐太耐。
------------------------------
食物质素: ✨✨✨
食物价钱:✨✨✨
上菜速度:✨✨✨✨✨
员工服务:✨✨✨✨
餐厅环境:✨✨✨
整体评价:✨✨✨
韩式双拼饺子
$58
7 浏览
0 赞好
0 留言
牛骨汤刀削面
$78
7 浏览
0 赞好
0 留言
泡菜饺子
$58
12 浏览
0 赞好
0 留言
猪肉饺子
$58
11 浏览
0 赞好
0 留言
张贴
