彩翠軒酒家

营业中

休息中

一班親戚朋友一齊食餐飯，order 左個套餐，認真唔錯，碟碟都好大碟。龍蝦伊麵本身味道好普通，但佢隻龍蝦大隻又多肉，可能係我地好彩。另一樣要讚嘅係隻乳豬，大細適中，唔會太細仔，但又唔係超齡豬，肥同肉嘅比例剛剛好，皮又脆卜卜，好正。之後仲有條清蒸龍躉，好大條，多肉，啲肉都係剛剛熟，唔鞋，不錯。其他餸菜都係正常水準，就唔遂一介紹啦，總之就食到好飽。之後我都有再去食呢個餐，感覺變化好大，隻豬，龍蝦同魚都細左好多。