茶皇殿

营业中

休息中

11月又到食长脚蟹季节，见广告呢间茶皇殿$188一斤，胆粗粗约朋友去试下，点知超有惊喜，我地原本订左晚市6:30去，但朋友自己一个就早左到达半小时，平时酒楼都好兴叫你等齐人先入座，但呢间酒楼竟然话未人齐都唔紧要，照安排入座，仲热情招呼我朋友，话早啲到左就早啲去拣蟹，重点系呢间酒楼晚市不限时，不会赶客，我地人齐先叫蒸蟹，其间完全没有催没有赶，可以好好和朋友享受晚餐另外，我地自带左一支酒去，问店长有冇收开瓶费，佢好有礼貌地话可以免开瓶费，仲热情介绍左几个𩠌菜，招呼周到，非常抵赞。原来店长都系新上任一个月，除左店长外，佢店入面既其他员工都非常殷勤有礼，不但会主动换骨碟，加茶换水，全程绝冇口黑面黑，今时今日既香港，大部份食店都人手不足，服务质素每况越下，难得揾到一间坐得舒服，食得开心既酒楼，本人真心值得推介俾朋友。长脚蟹$188一斤抵食，汤就咸左少少，$48包鱼都好好味。