影片
更多
2023-06-01
681 浏览
《八番屋 - 大埔》话说都真系好耐冇行过大埔既新达广场，其实佢超近火车站，而且商场装修咗之后靓咗好多，仲多咗好多新餐厅添😉今次我同外国返嚟嘅表妹上咗嚟新达呢边食晚饭，最后拣咗一间都几多野食种类选择嘅日式食店坐低，餐厅有个特盛二人套餐都几抵食，两个主食、一个串烧拼盘、两杯饮品同埋甜品先系二百零蚊，所以我地都无谂太多点左呢个餐💁🏻♀️特盛二人套餐 $268🔹鸡肉野菜拉面表妹拣咗食鸡肉拉面，佢个汤底系盐味汤底，个汤呈现奶白色，味道较平时食到既拉面汤底口味清淡少少🤏不过个汤饮落几舒服，食晒成个面都唔会口干，而且个拉面入面有好多蔬菜，仲有流心蛋同埋几片大鸡肉🍗近排天气咁热成日口淡淡，食呢个拉面就啱啱好唔会太Heavy🔹芝士烧牛肉丼芝士牛肉丼用嘅牛肉唔系肥牛肉𠮶种，我初时都以为系薄切打边炉𠮶啲肥牛，点知餐厅系用牛柳去制作，咬落有口感之余仲有浓郁嘅烧汁牛肉味👍🏻如果餐厅可以改用拉丝嘅芝士应该会更好味呢🔹串烧盛串烧盛入面有四串串烧，包括鸡腿肉、牛柳串、鸡软骨同埋烧鸡翼，个人特别推介佢个烧鸡翼，腌制过嘅鸡翼自带甜味，烧咗之后个皮少少脆都几香口，另外牛柳串落咗少少黑胡椒调味，咬落唔干有肉汁，味道都系带甜甜
话说都真系好耐冇行过大埔既新达广场，其实佢超近火车站，而且商场装修咗之后靓咗好多，仲多咗好多新餐厅添😉今次我同外国返嚟嘅表妹上咗嚟新达呢边食晚饭，最后拣咗一间都几多野食种类选择嘅日式食店坐低，餐厅有个特盛二人套餐都几抵食，两个主食、一个串烧拼盘、两杯饮品同埋甜品先系二百零蚊，所以我地都无谂太多点左呢个餐
💁🏻♀️特盛二人套餐 $268
🔹鸡肉野菜拉面
表妹拣咗食鸡肉拉面，佢个汤底系盐味汤底，个汤呈现奶白色，味道较平时食到既拉面汤底口味清淡少少🤏不过个汤饮落几舒服，食晒成个面都唔会口干，而且个拉面入面有好多蔬菜，仲有流心蛋同埋几片大鸡肉🍗近排天气咁热成日口淡淡，食呢个拉面就啱啱好唔会太Heavy
🔹芝士烧牛肉丼
芝士牛肉丼用嘅牛肉唔系肥牛肉𠮶种，我初时都以为系薄切打边炉𠮶啲肥牛，点知餐厅系用牛柳去制作，咬落有口感之余仲有浓郁嘅烧汁牛肉味👍🏻如果餐厅可以改用拉丝嘅芝士应该会更好味呢
🔹串烧盛
串烧盛入面有四串串烧，包括鸡腿肉、牛柳串、鸡软骨同埋烧鸡翼，个人特别推介佢个烧鸡翼，腌制过嘅鸡翼自带甜味，烧咗之后个皮少少脆都几香口，另外牛柳串落咗少少黑胡椒调味，咬落唔干有肉汁，味道都系带甜甜地
🔹绿茶蕨饼
甜品方面我哋拣咗绿茶蕨饼，餐厅喺上面冧咗黑糖浆，食落甜丝丝的，作为呢一餐嘅总结就最好不过啦
💁🏻♀️大埔南运路9号新达广场1楼A012号舖
张贴
