影片
更多
2020-05-30
351 浏览
南昌店嘅設計同銅鑼灣店差唔多，我覺得呢到嘅自助區範圍大D。我哋係食晚飯嘅第2輪 (19:45 開始)，小食嘅款式比第1輪少，例如冇pizza，炸物擺出黎嘅份量亦唔多。當日都有9成坐滿，所以大家去前一定要訂位。炸物小食: 香草焗法包、薑醋蛋、炸秋葵、酥炸吉列豬扒、蒸南瓜餅、羊肉串、蜜汁叉燒、雜錦天婦羅、金沙冬菇、煎堆仔、陳醋雲耳、涼拌青瓜、酥炸南瓜餅、炸薯蓉、香煎素餃子、生煎素菜包、鮮竹卷、馬拉糕、奶黃包、炸饅頭、春卷、酸薑皮蛋、素鵝…可能因為炸物份量少，剩下放底嘅幾件，所以部分炸物好油膩，尤其是炸秋葵，好似油浸咁。酥炸南瓜餅超好食，外脆內綿，令我諗起素年日式定食嘅南瓜餅。吉列豬扒同大自然食到嘅炸豬扒口感一樣，都係用大豆纖維做成，表面沾上沙律醬黎食，都幾好食。香草法包應該係第1輪嘅食物，我拎嘅時候只剩4件，之後就再冇出過，口感唔錯，雖然放咗一段時間，但外皮仍然夠脆身。日式食品區: 三文魚壽司、昆布卷、墨魚壽司、素一卷、煙肉壽司、素蝦壽司、玉子壽司、冷烏冬、紫薯栗子、日本枝豆、冷豆腐沙律bar: 粟米、藜麥、紫椰菜…小菜: 上海烤麩、麻婆豆腐、芝士年糕、南乳粗齋、葡汁四蔬、茶樹菇欖菜四季豆
炸物小食: 香草焗法包、薑醋蛋、炸秋葵、酥炸吉列豬扒、蒸南瓜餅、羊肉串、蜜汁叉燒、雜錦天婦羅、金沙冬菇、煎堆仔、陳醋雲耳、涼拌青瓜、酥炸南瓜餅、炸薯蓉、香煎素餃子、生煎素菜包、鮮竹卷、馬拉糕、奶黃包、炸饅頭、春卷、酸薑皮蛋、素鵝…
可能因為炸物份量少，剩下放底嘅幾件，所以部分炸物好油膩，尤其是炸秋葵，好似油浸咁。酥炸南瓜餅超好食，外脆內綿，令我諗起素年日式定食嘅南瓜餅。吉列豬扒同大自然食到嘅炸豬扒口感一樣，都係用大豆纖維做成，表面沾上沙律醬黎食，都幾好食。香草法包應該係第1輪嘅食物，我拎嘅時候只剩4件，之後就再冇出過，口感唔錯，雖然放咗一段時間，但外皮仍然夠脆身。
日式食品區: 三文魚壽司、昆布卷、墨魚壽司、素一卷、煙肉壽司、素蝦壽司、玉子壽司、冷烏冬、紫薯栗子、日本枝豆、冷豆腐
沙律bar: 粟米、藜麥、紫椰菜…
小菜: 上海烤麩、麻婆豆腐、芝士年糕、南乳粗齋、葡汁四蔬、茶樹菇欖菜四季豆、南乳蓮藕花生、冬瓜炆豆卜、梅菜蒸菜心、椰汁芋頭…
芝士年糕表面有辣粉，所以都幾辣，我覺得味精味較重。南乳粗齋嘅白菜口感好淋，可能因為係出面焗咗好耐。椰汁芋頭幾好食，芋頭煮得夠綿同入味。
主食: 豉油皇炒河粉、炒飯、蒸粟米、蒸蕃薯
甜品: 日式焦糖布丁福餅、泡芙、抹茶蕨餅、馬卡龍、香蕉糕 (唔肯定)、馬蹄糕
我覺得日式焦糖布丁福餅係一個伏，成件餅得個酸味。抹茶蕨餅幾好食，感覺同居素屋嘅抹茶蕨餅差唔多。
湯羹/ 糖水: 紅棗雪耳南北杏桃膠、綠豆沙、素翅…
素翅好搶手，好快就比人潷哂，味道唔錯，配料有鮮竹、髮菜、冬菇等。
飲品: 石磨豆漿、羅漢果水、紅菜頭檸檬水、奇異果沙冰、士多啤梨沙冰、茶包 (普洱、鐵觀音)
水果: 蘋果、西瓜、哈蜜瓜、燒菠蘿
附送: 素鮑魚
整體食物嘅質素都唔錯，但始終款式比第1輪少 (因為我哋之前去過銅鑼灣店食晚市第1輪，自然同今次會有比較)，同行家人覺得同一價錢，款式應該同第1輪相若，尤其是小食炸物同壽司。
张贴
