壹籠

营业中

休息中

夜晚同同学温书 温完之后求其揾间野食 见到佢门面几企理 就入去坐 本身有大大既卡位坐 但对住风口位 最后店员同风地转左位 坐低发现个个都系食小菜 但我地谂住食点心 最后都系叫左点心 佢即叫即蒸 等得比较耐 但系样样野食都有无失望 食得都几开心！个度环境宽敞 而且坐得舒服 我地叫左流沙包 小龙包 鸡丝粉卷 雪茄春卷 萝卜丝酥卷 鲜虾菜苗粿 样样点心都唔错 菜苗粿个馅既味道ok 但个皮好烂 一夹起就烂哂 感觉好似蒸过龙咁 但鸡丝粉卷个皮又无烂㖞 春卷都好特别 外表同正常颜色唔一样 但馅系好食 烟韧弹口 仲要岩岩炸出黎热辣辣 好脆口 样样点心唔太咸 食完都唔觉会好口渴 萝卜丝酥卷好香 就系上海店个种其实都唔系好够食 但系等太耐唔再叫喇 如果唔系有排都返唔到屋企 但要留意返佢有d点心系晚市唔供应架