影片
更多
2018-03-23
407 浏览
另一半喜欢食中餐，如果我唔煮饭，唯有就系到附近酒楼食中菜，为咗要似住家饭吖嘛，今晚去咗青叶海鲜酒家。过完年，通常所有食肆都会加价，呢度嘅晚饭有特价小菜，原本系十蚊一只鸡，而家变咗系$28一只鸡，不过都系抵食， 另外再点了京都焗猪扒$75,同埋椒盐焗鲜鱿$88。只鸡真系成只俾你㗎，你话佢质素系咪最好？当然唔系，但系以28蚊嚟讲都算唔错，鸡肉都几滑，要特别一提佢嘅葱蓉微咸，连鸡一齐食非常好味。京都焗猪扒，另一半最钟意食，因为啖啖肉，佢唔会好似用酱汁浸住猪扒咁样，而系适量嘅酱汁，挂在猪扒上，味道酸甜适中，好味！椒盐鲜鱿，炸完热辣辣上桌，外层炸浆炸得脆，里面鲜鱿都几滑，味道咸咸地，又香口，外出用餐通常都会食，开胃嘛！最后还送糖水，保证你够晒饱！埋单$210,晚餐两位在酒楼食小菜算平啦。当然唔好要求太高，呢度的中菜已算平民得来有水准。
过完年，通常所有食肆都会加价，呢度嘅晚饭有特价小菜，原本系十蚊一只鸡，而家变咗系$28一只鸡，不过都系抵食， 另外再点了京都焗猪扒$75,同埋椒盐焗鲜鱿$88。
只鸡真系成只俾你㗎，你话佢质素系咪最好？当然唔系，但系以28蚊嚟讲都算唔错，鸡肉都几滑，要特别一提佢嘅葱蓉微咸，连鸡一齐食非常好味。
京都焗猪扒，另一半最钟意食，因为啖啖肉，佢唔会好似用酱汁浸住猪扒咁样，而系适量嘅酱汁，挂在猪扒上，味道酸甜适中，好味！
椒盐鲜鱿，炸完热辣辣上桌，外层炸浆炸得脆，里面鲜鱿都几滑，味道咸咸地，又香口，外出用餐通常都会食，开胃嘛！
最后还送糖水，保证你够晒饱！
埋单$210,晚餐两位在酒楼食小菜算平啦。当然唔好要求太高，呢度的中菜已算平民得来有水准。
张贴
