ねずみの王冠 喫茶店

营业中

休息中

难得去到观塘区食晚餐，订左哩间Cafe黎试下，三个女仔叫左个二人set同一个小食，都够饱。 【二人前海鲜料理】HKD498 -蟹子唐扬薯丝山沙律前菜沙律系炸薯仔丝加蟹子加沙律酱，炸过嘅薯仔丝好脆好香口，食落唔会成口油，不过有啲热气。 -吉列鱿鱼配他他汁炸鱿鱼圈配埋蔬菜丝一齐食，口感唔会好油腻，味道唔错。 -牛油杂菌煎带子带子煎得好香，浓味宝宝会钟意食，杂菌都好好味。 -能登轮岛海鲜锅连埋个炉仔拎到黎面前先开始煮，食到哩个位已经有少少饱，汤底好浓味，入面仲有啲薯粉，索晒啲味好正。 -日式带子牛柳粒炒饭炒饭食落有啲似pexxer lxxch嘅铁板饭，无乜特别，但食埋佢就肯定够饱。 -甜品今次甜品系黑糖蕨饼，味道ok，但系如果再烟韧啲就再正啲。 【脆炸原片粟米】HKD38粟米表面嘅炸浆唔会好厚，咬落去好脆口，粟米又够甜，可以encore。 连埋野饮，3个人食左HKD594，环境舒服唔会好迫，仲有啲屏风做间隔，有啲私人空间，但座位数量唔多，有兴趣黎食最好都系订位先。