影片
更多
2014-04-14
1288 浏览
三月下旬，话说有一日二姨丈同小肥一边行湾仔街市，一边讲食经 ；倾谈中姨丈问小肥有冇试过街市附近一间好出名o既手撕鸡。XO仔听都未听过湾仔有间外卖手撕鸡专门店 ，于是乎就如实回答，点知姨丈二话不说就立刻带咗我去石水渠街「厚兴瑜记手撕鸡」个舖位，叫我揾日一定要买返只返屋企试吓。四月五日，机会终于黎啦，因为嫲嫲黎屋企食饭，所以大肥爸爸就叫细佬早少少落街斩料，加𩠌食饭。小肥下午一点钟去买，舖头门外一个人都冇，见入面个肥哥哥唔系太忙就同佢倾咗两句。据知，佢地舖头每日下午四点到八点最多人帮衬，如果唔想排队，就建议大家四点前去，不过当然系越早越好啦！得知小弟第一次食「厚兴瑜记手撕鸡」，肥哥哥仲好心到教小肥返到屋企要第一时间放盒鸡入雪柜，免得变坏，只要饭前攞出黎摊半个钟头后，食用时味道就会最佳，真系好人到极 ！「厚兴瑜记手撕鸡」舖位唔大，入面只有两位工作人员，一个负责手撕鸡肉，一个负责接单及调味。肥哥哥为后者，佢接单后就会喺雪柜入面取出每盒已手撕好o既鸡肉或鸡杂，然后喺客人面前加入调味品捞起，整个过程约五分钟，效率颇高！（如果哥哥仔带埋手套黎手撕鸡肉，个人绝对系会加翻分卫生分。） 正宗手撕鸡（
四月五日，机会终于黎啦，因为嫲嫲黎屋企食饭，所以大肥爸爸就叫细佬早少少落街斩料，加𩠌食饭。小肥下午一点钟去买，舖头门外一个人都冇，见入面个肥哥哥唔系太忙就同佢倾咗两句。据知，佢地舖头每日下午四点到八点最多人帮衬，如果唔想排队，就建议大家四点前去，不过当然系越早越好啦！得知小弟第一次食「厚兴瑜记手撕鸡」，肥哥哥仲好心到教小肥返到屋企要第一时间放盒鸡入雪柜，免得变坏，只要饭前攞出黎摊半个钟头后，食用时味道就会最佳，真系好人到极 ！
「厚兴瑜记手撕鸡」舖位唔大，入面只有两位工作人员，一个负责手撕鸡肉，一个负责接单及调味。肥哥哥为后者，佢接单后就会喺雪柜入面取出每盒已手撕好o既鸡肉或鸡杂，然后喺客人面前加入调味品捞起，整个过程约五分钟，效率颇高！（如果哥哥仔带埋手套黎手撕鸡肉，个人绝对系会加翻分卫生分。）
正宗手撕鸡（$85/只；$44/半只）：手撕鸡每半只一盒，打开个盒已经闻到阵麻油香，每盒底层都有一只连骨o既鸡髀同鸡翼。盒内其余o既鸡肉不仅去哂骨，而且仲去哂肥，就连鸡皮都去埋毛 ，健康得黎最啱小肥依啲懒人食 ！摊咗半个钟头o既手撕鸡肉一啲都唔冻唔硬，咬落仲几香嫩软熟添，妈咪同姨妈对个味道都好满意，二姨丈果然冇介绍错！
鸡肾加猪耳仔双拼（$32/盒）：猪耳仔切得好够薄，鸡肾亦唔会太厚，两款质感同样爽脆，个味道同手撕鸡𠮶个无异，非常香口野味！大肥话斋，一边睇波，一边送酒，简直一流呀 ！
$85可以买到只无骨、无肥、无毛o既手撕鸡，香口野味，「厚兴瑜记手撕鸡」深受家中妈咪同楼下姨妈欢迎，因为悭返佢地好多煮𩠌时间 ！以半只鸡加少少鸡杂为晚饭加𩠌，一百蚊有找，最重要系能够令家中女皇龙颜大开 ，肥肥家族各成员都觉得「厚兴瑜记手撕鸡」超抵食，大家食饭如果要加料亦不妨考虑一试！
张贴
