樂群茶餐廳 (已結業)

因为连续几日睇水星街的中医伯伯，所以又系附近开饭，今日试左街口的乐群。叫了两个套餐，胜瓜咸蛋浸肉片，菠萝京都骨，每个$43，包例汤、白饭同饮品。先黎例汤，系清补凉煲猪肉，净系睇都觉得几好味，饮落果然几好，几足火候。然后两个𩠌虽然都几好味，但系份量就几少，好似几唔抵。胜瓜咸蛋浸肉片比想像中多汤，得一只咸蛋黄，蛋白好少好稀，肉片份量普通，感觉太水汪汪；菠萝京都骨我食个几件都少肉，有肉既唔多。白饭睇落好靓，所以特登影相，点知最唔掂系佢，松散无饭味。饮品叫左奶茶同好立克。奶茶落奶好重手，顶唔顺倒左三分一杯，再请伙计帮我加茶，跟住就饮得出茶味啦，又几好wo。返屋企睇下，最近一篇食评竟然系旧年九月，差不多一年无人写佢D食评！其实佢D野都OK，可以加多少少份量就会好D。