牛精佬海鮮燒味 (已結業)

今晚我们喺旺角新宝戏院睇完戏之后去咗隔离嘅「牛精佬海鲜烧味」食晚饭！我们叫咗海鲜3人套餐：老火粉葛汤、姜葱田鸡煲、啫啫芥兰煲同清蒸黄皮老虎斑！另加肉碎蚝仔泡饭同蒜蓉大白鳝蒸饭！老火粉葛汤煲得好够火候，味道好鲜味浓郁！姜葱田鸡煲嘅田鸡系新鲜即叫即㓥，所以肉质非常结实弹牙，加埋姜葱香味，令到味道更加惹味！啫啫芥兰煲嘅芥兰好幼嫩同无根，酱汁嘅味道亦唔会过咸！清蒸黄皮老虎斑亦都系新鲜即㓥，肉质极之嫩滑同鲜味十足！肉碎蚝仔泡饭嘅蚝仔好大只肥美，材料好足料丰富，味道好鲜甜！蒜蓉大白鳝蒸饭嘅大白鳝肉质相当鲜甜弹牙，蒸饭吸收晒鱼肉嘅肉汁，令到蒸饭更加芳香鲜甜！