嘉年華海鮮酒家

营业中

休息中

难得假日入咗嚟屯门整新智能身分证 就喺良景商场行吓 睇吓有咩好食😬 除咗几间茶餐厅之外 仲有两间酒楼 今日就试咗其中一间🫖虽然系食晚市 其实小菜选择都唔太多 三个人嗌咗两个𩠌加两碗白饭🍚滑蛋鲜虾仁 讲真一啲都唔滑 睇张相都见到啲蛋好一旧旧 不过虾仁数目都算多同大只 口感都弹牙嘅 同埋都系有鲜味嘅🦐 同出面啲冇味嘅虾冇得比 不过啲蛋唔滑就令呢碟𩠌失色咗唔少😕 叫虾仁炒蛋适合啲 咁就唔会对佢啲滑蛋有期望黑椒铁板牛仔骨 铁板上系佢嘅卖点 上枱时都有锯扒铁板上嘅效果 上枱都有滋滋声😂 不过有好多洋葱垫底🧅 所以都唔系弹油弹得好劲 牛仔骨明显用咗过量嘅松肉粉 啲肉乸得好劲 不过个酱汁都几好味 几好送饭🐮坦白讲小菜唔系特别出色 质素比较普通 可能茶餐厅比佢更有镬气更好食 不过酒楼就可以坐得耐啲 同朋友倾耐啲都唔怕比人赶😂