財記美食 (已結業)

其实呢间野转左手之后都无入过黎，前身真系好麻麻啦。是晚好齐人想食餐饭，因为限聚令真系好耐无一班人一齐食饭啦，终于入左黎财记试下，我地都好守规矩分两枱㗎，叫左啲𩠌就唯有夹开一半分去另一张枱啦。我都唔知叫左几多个𩠌了，好似都有八、九个，仲加左个汤，又送白饭又送野饮咁，八个人埋单都系七百九十几蚊，居然一人唔使一百蚊认真超值。因为好多𩠌都唔系我呢边上枱，未影就夹左，所以呢只影啲完整版啦。鱼香茄子煲好大兜下，咸鱼味香口，茄子走油好味噃，辣辣地送饭劲正啰。咸鱼蒸肉饼卖相一般啦，但个咸鱼靓野黎㖞，超正，睇得出我地好钟意点咸鱼嘅𩠌～姜葱鱼云鱼腩煲又系大大煲，劲入味，自己去街市买鱼头都唔平，抵食呀。最后呢兜系芫茜皮蛋鱼头汤，劲浓好好饮，饮完无口渴唔系师傅汤。仲左椒盐九肚鱼，黄金鲜鱿，菠萝生炒骨，腐乳蒸滑鸡，马拉盏通菜，八珍豆腐煲㗎，但无影相了。真心抵食㖞，仲要个场好劲冷气，够凉真系好重要，尤其系夏天嘛～