Mr. Right (已結業)

Mr.Right系一间位于元朗嘅西餐厅，地点唔算便利，但环境清幽，高尚且有情调，非常浪漫，岩晒d拍拖嘅情侣。餐厅主要食意大利菜，所以意粉及意大利饭嘅种类比普通西餐厅较多，而价钱中等，唔算太贵。我地叫左个意大利辣香肠薄饼，有大大块辣肉肠，洋葱，青椒，口感丰富，再加埋沙律菜，感觉清新。而味道同卖相一样都好正，个饼底好松脆，芝士唔会太咸，配埋个秘制酱汁，好似食紧日式烧饼。由于猪今晚好想食肉酱意粉，所以又order左个芝士焗肉酱意粉，一个圆形砌得靓靓嘅意大利粉放喺碟嘅中间，见到已经流口水。意粉面条有弹力又有嚼劲，系先炒过，再加肉酱，所以唔会太湿。肉酱份量一d都唔不少，散发浓浓芝士香味。虽然只系简简单单嘅意粉，但热烘烘，新鲜即做，即刻加左分 加左钱转套餐，有南瓜汤及沙律菜，南瓜汤好香。服务普普通通，而衞生就真系多多注意呀，个水樽有污渍。如果咁靓嘅餐厅同埋唔错嘅食物，配呢个service又真系浪费晒呀