御名園

营业中

休息中

因为朋友住荃湾区，所以相约朋友到呢区晚饭，开头仲以为佢会食日本嘢，谁知拣选了食中菜，原来佢话啱啱从日本回来，已经在当地食日本菜食到够，所以就挂住想食中菜，而呢间酒楼佢亦有食开，所以唔使点谂就约咗去呢间。酒楼环境唔算好大或者好细，但就好热闹，感觉几大众化。而餐牌亦都是一般嘅中菜选择，反而有一些孖宝餐单选择，丰俭由人。朋友拣咗个晚饭美馔组合孖宝套餐，佢就话每人叫一个，佢拣了「姜葱炒肉蟹｣，个蟹煲都炒得好香，尤其系用姜葱爆到很香口，蟹钳嘅肉都入味，啖啖肉口感确唔同。而我就拣选了「鲍鱼汁炆花胶豆腐｣，个𩠌整体煮得深色了一点，不过味道还是可以的，鲍鱼汁唔会好咸，而花胶细细嚿但系几多下，不错。整体食物味道不错，服务体验亦好。