景逸軒 (已結業)

之前每一次去「景逸轩」都系去红磡海逸酒店既分店。如果唔系朋友提起，真系完全唔知道原来佢喺天文台道呢栋新既商厦开左新分店，以后终于唔驶山长水远由尖沙咀行天桥过去喇！台南七味豆腐 ($52)：细细粒既豆腐炸到刚刚好，外脆内软之余「一口牛」既size令佢可以一啖就食晒落肚，更难得既系佢唔算太热气添！脆皮烫手乳猪（半只）($338)：乳猪既皮出奇地脆，肉质肥瘦适中，唔似平时摆酒肥到漏油既质素，虽然做唔到「烫手」，但微热既感觉入口时都值得一赞既！脆皮素鹅 ($48)：入口时松脆既感觉令我觉得佢系即叫即炸，素鹅裹面既材料都算丰富，钟意食香口野既朋友记住唔好错过呀！瑶柱花胶四宝羹 ($198)：五个人食刚刚分到五大碗，不过如果D花胶同瑶柱可以大粒D就更加好喇！琥珀雀巢海中宝 ($128)：材料非常十足，除左常见既带子同埋鲜鱿之外，重有石班、带子、合桃、红椒同埋蜜豆等等调起D味，正！八宝时蔬并盘 ($88)：对于钟意食清淡食物既朋友真系不可不点，但老实讲作为「食肉兽」既我只系一般！浓汤桃胶浸菜芯 ($88)：浸菜芯落左女士们最钟意、功效近似燕窝既美颜食材桃胶。桃胶又称桃脂，乃桃树既天然分泌物，会在树上