大和豚総本店 (已結業)

周围行下睇下食咩晚餐好，比佢个餐牌吸引住，有好多款野食拣。前菜叫咗2样，分别系麻香木耳同麻辣鸭肾。呢2款前菜都系麻麻地，麻辣一啲都唔麻同唔辣。木耳食落去唔似木耳口感。主食可以分为铁板锅，打边炉同埋烧肉。我地今次拣咗极上牛肉铁板锅，睇张相好大份咁，好似都够3~4人分量。上到枱，个锅同张相嘅相似度有成9成，无呃人。其实堆到咁高，下面有好多芽菜垫底。呢个锅，9成系菜，得上面果几块系肉，钟意食肉嘅你，铁板锅可能唔系你嘅菜啦。睇个颜色，以为好辣，其实一啲都唔辣，少少清清地嘅味。因为成锅都系菜嘅关系，额外叫咗份乌冬加落去，好食，吸咗啲汤嘅味，牛肉新鲜，无雪味。2个人食咁多个锅食完好饱，但唔觉济，可能因为菜嘅关系。但价钱有啲贵，300蚊，菜锅加几块牛肉。有一款饮品好吸引，枪形饮料机上。上到枱自己禁出黎，有得玩，有得饮，自拍最岩。餐牌写2人份，我觉得3人都够，因为有成1L咁多。佢仲要系计人头比杯，而杯入面有粒大冰，够晒冻。