Steak’er

营业中

休息中

今日同同事喺元朗收工揾嘢食，谂住喺鸡地附近求其揾啲嘢食，俾我哋见到一间西餐，招牌系用霓虹灯整嘅，实在太吸睛，我哋就入咗去。见到呢间野主打锯扒，我哋就好不犹豫咁嗌咗两块唔成熟嘅扒。一块牛扒，一块羊扒Share食。首先嚟咗头盘，两条饼干条加两块烤过嘅多士，香脆可口，仲配埋一个好惹味嘅千岛酱。然后再嚟红菜头汤，其实冇谂过红菜头汤系咁嘅味，口感好软绵绵，我同同事都觉得系有少少似紫薯汤。其实我哋叫嘅套餐，除咗有餐汤同餐饮，仲有薯条任食㗎，亲左个黑松露酱同埋茄汁，虽然我哋都食唔晒，但系薯条好新鲜，我哋都食得好过瘾！😋😋块扒呢就不过不失，薯菜几好味！加$28有一杯1664,抵到烂啦！🍺其实呢间西餐佢哋服务都唔错，可以再嚟！