新麻蒲 BBQ (波斯富街) (已結業)

屋企人一行9人一齐黎食，由于9个人入面有两位老人家同一个2岁几，所以只点左一个「牛猪肉套餐2」，加一个饺子汤面，同一个冷面，一齐share。「牛猪肉套餐2」$678•特级霜降牛肉120g•新麻蒲秘制牛五花腩150g•新麻蒲䕶心肉150g•新麻蒲五花肉150g•特选杂锦拼盘（年糕、蘑菇、猪肉香肠、大虾 ）•火炙霜降牛肉寿司4件 (寿司粒饭同手指甲差唔多大）•新麻蒲部队锅个套餐睇落丰富，但实在分量好细。一tray 嘅肉，放喺一个好似小朋友玩具set 入面，上到枱都大为失望。个部队锅，真系「下颚都跌落黎」！得半个面，2-3片肠仔同午餐肉（超薄），一人一啖都唔够食。最后加多左份面，好似系$20。加嘅就比较好，至少系一个完整嘅面，仲会俾多少少肠仔同餐肉。M5 冷面$75冷面算系最唔错嘅选择，面够弹牙。加埋醋同芥辣，都ok! M13 韩式猪肉饺子刀削面$78 （无影相）饺子都有2-3粒，但面偏「林」。由于印象麻麻，所以就算唔饱，都无追加食物，只系离开后再去其他地方食小食。