影片
更多
2022-10-18
390 浏览
星期一晚餐乱入😆原本谂住去食一品鸡煲嘅，但胃口唔大，同朋友二人好耐无见，想坐耐啲，所以求其简一间无咁多人嘅茶记。见佢咁少人，咁啱晚饭小菜都有鸡煲食，一心试伏啦，点知都几好食㖞！好彩我地早入去（约7点），后尾都坐满人啦！我地叫左两个𩠌，$98香辣鸡煲🐥 同埋 $80波萝咕噜肉🐷，鸡煲加$20转餐，有例汤，饮品，白饭。冻饮加$3。旺角地舖，呢个价钱唔算特别贵，食完觉得佢绝对对得起呢个价👍🏻👍🏻光头叔叔好友善🥰🥰，特别温馨提示先饮汤，无味精，萝卜雪耳汤好滋润👍🏻本人好喜爱饮汤，谂住讲笑「碗汤咁正有冇得添？」点知叔叔真系悄悄地帮我添多一碗💗💗两个𩠌都好足料，肉同配料都多。鸡煲我叫左少辣，真系恰到好处，唔怕太刺激会肚痛，又可浅尝辣味。汁收得够干身，但鸡肉没有因此干柴👍🏻咕噜肉正常发挥👌🏻，不过不失，同样肉质没有炸到太柴，正常咁啰，又无话好juicy咁嘅。一路同朋友倾计，都有留意三位企堂都好友善👍🏻同熟客都有喧寒问暖👍🏻一啲都唔寸😂最后埋单 $204咋（$98+$20+$80+$3+$3）因为本人平时晚餐都食茶餐厅，呢个价钱都算系咁啦。原本我都无谂住打食评，不过见到楼下有篇食评话人地价钱乱加，我觉
原本谂住去食一品鸡煲嘅，但胃口唔大，
同朋友二人好耐无见，想坐耐啲，所以求其简一间无咁多人嘅茶记。
见佢咁少人，咁啱晚饭小菜都有鸡煲食，一心试伏啦，点知都几好食㖞！
好彩我地早入去（约7点），后尾都坐满人啦！
我地叫左两个𩠌，$98香辣鸡煲🐥 同埋 $80波萝咕噜肉🐷，鸡煲加$20转餐，有例汤，饮品，白饭。冻饮加$3。旺角地舖，呢个价钱唔算特别贵，食完觉得佢绝对对得起呢个价👍🏻👍🏻
光头叔叔好友善🥰🥰，特别温馨提示先饮汤，无味精，萝卜雪耳汤好滋润👍🏻本人好喜爱饮汤，谂住讲笑「碗汤咁正有冇得添？」点知叔叔真系悄悄地帮我添多一碗💗💗
两个𩠌都好足料，肉同配料都多。
鸡煲我叫左少辣，真系恰到好处，唔怕太刺激会肚痛，又可浅尝辣味。汁收得够干身，但鸡肉没有因此干柴👍🏻
咕噜肉正常发挥👌🏻，不过不失，同样肉质没有炸到太柴，正常咁啰，又无话好juicy咁嘅。
一路同朋友倾计，都有留意三位企堂都好友善👍🏻同熟客都有喧寒问暖👍🏻一啲都唔寸😂
最后埋单 $204咋
（$98+$20+$80+$3+$3）
因为本人平时晚餐都食茶餐厅，呢个价钱都算系咁啦。原本我都无谂住打食评，不过见到楼下有篇食评话人地价钱乱加，我觉得有必要为一间好餐厅抱不平啰😳
有冇疫情，物价上升都几乎系必然。同埋睇佢张单，餐厅都无计错数。
希望呢间茶餐厅一路keep到👍🏻
张贴