百份百餐廳 (景林商場) (已結業)

上次睇电视，讲开海南鸡点整！我就不会推介呢间餐厅既海南鸡，第一，最重要既透明啫喱，系啲啲都揾唔到，鸡又唔滑，比较老，平时食烧味切鸡都比佢好，真系可一不可再，酱汁好味都无用，饭唔系鸡油饭，佢用左咖喱味整黄啲饭，香系香，不过唔太夹。。。希望餐厅可以改善一下，其实上网都有教点整，基本质素唔会整唔到！朋友点左个中式牛柳，呢个就真系几好食，牛肉唔会好硬，叫得过！可能呢间餐厅主打健康，佢系中式牛柳加左蕃薯落去一齐煮，呢个都几好食，唔会奇怪，会再叫！员工有问必答，仲好热情几个人走埋黎，不过其实唔驶太多人走埋黎哈哈！好似八卦果啲感觉，有时可以比啲员工自己试下解决问题比较好！呢度泊车停车场系Wilson $20/小时，上停车场条路都几窄，小心啲。